Работнички и Скопје го отвораат десеттото коло од Првата фудбалска лига. „Романтичарите“ на Националната арена „Тодор Проески“ ќе го пречекаат Скопје во првиот меч по репрезентативната пауза, а младинскиот репрезентативец Лука Станковски се надева дека тимот ќе се врати на победнички патеки.
„Паузата беше искористена за анализа и подготовка за следните искушенија, иако тимот не беше комплетен со оглед дека има младински репрезентативци. Но, по враќањето од репрезентативната акција веднаш се фокусиравме на новите првенствени предизвици затоа што сакаме да вратиме на победнички патеки. Денеска ни гостува тимот на Скопје, еден квалитетен и максимално борбен состав, што заслужува респект. Ние ќе мораме да дадеме 150% од можностите доколку сакаме да ја оствариме целта и да стигнеме до триумф“, вели Лука Станковски.
Натпреварот меѓу Работнички и Скопје ќе се одигра на Националната арена со почеток во 14 часот, а ќе го суди Александар Ставрев.
Останатите натпревари од десеттото коло се на програмата утре, а дербито е во Струмица каде Академија Пандев ќе го пречека актуелниот првак Шкендија.
ПРВА ЛИГА ДВОЈКИ 10. КОЛО
РАБОТНИЧКИ – СКОПЈЕ (ДЕНЕСКА 14 Ч.)
АКАДЕМИЈА ПАНДЕВ – ШКЕНДИЈА (УТРЕ, 14 Ч.)
БРЕГАЛНИЦА – МАКЕДОНИЈА ЃП
СТРУГА ТРИМ ЛУМ – БОРЕЦ
ТИКВЕШ – ШКУПИ
РЕНОВА – ПЕЛИСТЕР
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski