Осман Дембеле бележи напредок во неговата втора сезона во Пари Сен Жермен, вели тренерот Луис Енрике, кој смета дека „светците“ сега имаат подобар тим од минатата сезона.
Иако ПСЖ го загуби Килијан Мбапе кој замина во Реал Мадрид, Луис Енрике останува оптимист за иднината на тимот и изрази уверување дека екипата ќе биде посилна.
„Мислам дека сме посилни од минатата сезона. Го имаме Осман Дембеле кој влезе во втората година од престојот во ПСЖ и од него навистина очекуваме многу, затоа што е неверојатен талент кој во секој момент е подготвен да ги надмудри ривалите со топката во нозете“, изјави Луис Енрике.
Во изминатата сезона, Дембеле постигна девет гола и забележа 17 асистенции во 47 натпревари за ПСЖ по неговиот трансфер од Барселона за околу 50 милиони евра.
Луис Енрике тврди дека сега Дембеле станал уште поефикасен во завршната фаза и очекува оваа година да биде уште подобра за него и за тимот.
