Нетрпеливоста меѓу градските ривали Џенова и Сампдорија не е ништо ново на навивачката мапа на Италија, но сега тифозите на Самп отидоа предалеку и го „погребаа“ големиот противник.
Џенова испадна од елитата, а навивачите на Сампдорија, која обезбеди опстанок во Серија А, организираа „погребна поворка“ за градскиот ривал, носејќи крстови, распетија, па дури и мали ковчези за да го одбележат „погребот“ на нивните ривали.
Двата клуба кои оваа сезона се бореа за опстанок паметат и многу подобри денови. Сампдорија ја освои својата единствена титула во 1991 година, а Џенова има дури девет, но последната беше пред 98 години.
