Лондонското дерби меѓу Тотенхем и Челси (1-4) донесе неверојатни возбудувања. Најмногу внимание привлекоа огромниот број одлуки со помош на ВАР, непризнати голови, доделени црвени картони. На крајот, Челси славеше убедливо.
Тотенхем иако поведе со голот на Дејан Кулушевски во шестата минута, во текот на мечот остана со деветмина на теренот, по исклучувањата на Ромеро и на Удоги.
Челси израмни од пенал, кој беше досуден со ВАР – одлука, а го реализираше Кол Палмер.
Во финишот, кога Тотенхем беше бројно десеткуван на теренот, Николас Џексон постигна хет-трик во периодот од 75.минута, па до крајот на мечот.
