Реал Мадрид се извлече од дебакл, но сепак загуби од Шахтјор Доњецк во воведниот меч од новата сезона во Лигата на шампионите. Шахтјор победи во Мадрид со 2-3, а тоа е втор последовен пораз за тимот на Зинедин Зидан по оној против Кадиз во Ла Лига. Овој боли многу, затоа што Шахтјор дојде без десетмина играчи од првиот тим во Мадрид.
Тете ја отвори серијата во 29.минута, Варан си даде автогол четири минути подоцна, а Саломон зголеми на 0-3 пред крајот на првиот дел.
Лука Модриќ погоди на стартот од второто полувреме, Жуниор Винисиус намали на 2-3 само неколку секунди откако влезе во игра, но Реал Мадрид немаше сили за пресврт. Федерико Валверде постигна гол за израмнување во 93.минута, но по прегледување на ВАР снимката не беше признат.
Салцбург и Локомотив Москва одиграа 2-2. Едер ги изненади домашните фудбалери во 19.минута, но Шобошлаи израмни пред полувремето.
Во вториот дел, Јунузовиќ се погрижи за пресврт, но Лисакович не дозволи Локомотив Москва да загуби.
