Милан доживеа минимален пораз (1-0) од Феенорд во Холандија во првиот меч од плејоф рундата во Лигата на шампионите. „Росонерите“ не одиграа најдобро, а клучниот момент се случи уште во третата минута, кога грешката на голманот Мајк Мењан ја искористи Игор Паишао за единствениот погодок на натпреварот.
Баерн Минхен оствари важна гостинска победа против Селтик (1-2) во Глазгов. Германскиот шампион поведе со голот на Мајкл Олисе во 45. минута, а Хари Кејн зголеми на 0-2 во 49. минута. Селтик успеа да намали преку Даизен Маеда во 79. минута.
Бенфика, пак, славеше минимална победа на гости кај Монако (0-1), благодарение на погодокот на Вангелис Павлидис во 48. минута.
