Европскиот првак Реал Мадрид успешно ја стартуваше одбраната на титулата во Лигата на шампионите. Штутгарт ги намачи „кралевите“ кои сепак на крајот славеа со 3-1.
Килијан Мбапе го отвори резултатот во 46.минута, но израмни Дениз Ундав во 68.минута. Антонио Рудигер со удар со глава ја врати предноста на Реал во 83.минута, а триумфот го потврди Ендрик, кој исто како и Мбапе, го постигна дебитантскиот гол за новиот тим во ЛШ.
Ливерпул го победи Милан на „Сан Сиро“ со 1-3. Кристијан Пулишиќ во третата минута донесе водство за Милан, но дефанзивците Конате и Ван Дајк со два гола направија пресврт до полувремето. Третиот гол за Ливерпул беше дело на Доминик Шобошлаи.
Баерн Минхен до декласира Динамо Загреб со 9-2. Хари Кејн од пенал ја отвори серијата, а Гереиро и Олисе до крајот на првиот дел зголемија на 3-0. Динамо изненадувачки постигна два гола за две минути, преку Петковиќ (49.) и Огивара (50.), но потоа почна канонадата на Баерн. Хари Кејн постигна уште три гола, а погодија и Олисе, Сане и Горецка.
Спортинг Лисабон ги победи Лил со 2-0, со головите на Ѓокереш и на Дебаст.
