Англискиот првак Ливерпул одигра 1-1 на гостувањето кај Манчестер Сити, можеби и најголемиот ривал за шампионската титула во Премиер – лигата. „Граѓаните“ на Пеп Гвардиола не ја стартуваа сезоната најдобро, а не успеаја да го совладаат ниту тимот на Јирген Клоп.
Мохамед Салах од пенал го доведе Лоиверпул во водство во 13.минута, а израмни Габриел Жесус во 31.минута. Кевин де Бруин не успеа да искористи пенал за Манчестер Сити во финишот на првото полувреме. Белгиецот ги промаши рамките на голот на Алисон Бекер.
