Ливерпул не успеа да го освои „Сент Џејмс Парк“ ремизирајќи без голови на гостувањето против Њукасл. Тимот на Јирген Клоп не беше премногу убедлив, но, сепак, пропушти неколку одлични шанси за погодок.
Мохамед Салах излезе сам пред противничкиот голман и не реализираше, Садио Мане не успеа ниту од еден метар да ја испрати топката во мрежата, а и Роберто Фирмино имаше две одлични шанси. Њукасл се закани преку Сиран Кларк, но Алисон Бекер спаси водство за домашниот тим.
Ливерпул се наоѓа на врвот на табелата со 33 бода, три повеќе од Манчестер Јунајтед кој има и еден одигран меч помалку.
