Офанзивниот фудбалер на Ливерпул, Луис Дијаз, ќе добие понуда за нов договор од англискиот гигант. Колумбиецот беше цел на интерес од Барселона и Пари Сен Жермен во текот на летото, но на крајот реши да остане кај „црвените“.
Од почетокот на сезоната за Ливерпул, Дијаз се снајде импресивно, во последниот натпревар постигна два гола против Манчестер Јунајтед во големото англиско дерби.
Англиските медиуми тврдат дека клубот од Мерсисајд наскоро ќе му понуди нов договор на Дијаз, кој на „Енфилд“ дојде во 2022 година од Порто.
Кога дојде од Португалија се договори за плата од 55.000 фунти неделно, што е исклучително помалку од најдоброплатените фудбалери. Мохамед Салах заработува 350.000 фунти неделно, додека најновото засилување на клубот Федерико Киеза се согласил да заработува 120.000 фунти неделно.
Актуелниот договор на Луис Дијаз со клубот истекува во 2027 година.
