Англискиот премиерлигаш Ливерпул отвори преговори со францускиот клуб Лил за дефанзивецот Свен Ботман. Менаџерот Јирген Клоп би сакал да го има одличниот 20-годишен одбранбен фудбалер до крајот на зимскиот преоден рок, со оглед дека на „Мерсисајд“ има голем број повредени фудбалери.
Холандскиот интернационалец Свен Ботман минатото лето од Ајакс се пресели во Лил за сума од 8 милиони евра, а сега францускиот клуб бара најмалку 20 милиони евра за да му дозволи да се пресели на „Енфилд Роуд“. До овој момент Свен Ботман има одиграно 23 натпревари за Лил, со ефект од една асистенција и без постигнат гол.
