Ливерпул без Алисон Бекер и Диого Жота против Сити за „Комјунити Шилд“

Алисон Бекер и Диого Жота нема да учествуваат на првиот официјален натпревар на Ливерпул во новата сезона. Ова го откри менаџерот на „црвените“, Јирген Клоп. В сабота, Ливерпул се соочува со Манчестер Сити во трофејот за „Комјунити Шилд“.

„Али денеска тренираше повеќе отколку претходниот ден. Тој ќе биде во тимот за Фулам, но нема да игра в сабота. На Диого ќе му треба повеќе време“, изјави Клоп.

Адријан ќе биде на голот на Ливерпул за првата пресметка со Манчестер Сити во новата сезона.