Повремениот англиски репрезентативец Џеси Лингард нема да го напушти Манчестер Јунајтед во зимскиот преоден рок. Тој не добива голема минутажа, но, сепак, одлучи да не заминува и да се бори за место во тимот на Ралф Рангник.
Манчестер Јунајтед му понуди нов договор на Лингард, но играчот одбива да потпише, бидејќи не е задоволен со својот статус во тимот. Тој најверојатно ќе го напушти „Олд Трафорд“ на лето како слободен агент и верува дека тогаш ќе има многу повеќе опции каде да ја продолжи кариерата.
