Шкендија ќе игра против романскиот Ботошани во чии редови настапуваат македонските фудбалери Давид Бабунски и Стефан Ашковски, Силекс ќе се соочи со косовскиот шампион Дрита од Гњилане додека Ренова ќе игра против сплитски Хајдук во второто квалификациско коло за Лигата на Европа.
Денешната ждрепка во Нион одлучи „гипсарите“ да играат со еден од најдобрите хрватски клубови на кој треба да бидат домаќини во Скопје, додека Шкендија ќе гостува во Романија. Силекс ќе биде домаќин на Дрита.
Натпреварите од 2. квалификациско коло за Лигата на Европа се играат на 17. септември. Согласно одлуката на УЕФА, како што е познато, и во оваа рунда елиминација ќе се игра само по еден натпревар.
