Лидерот Шкупи почнува со работа, Седлоски го собра тимот (ФОТО)

Шкупи има солидна бодовна предност што ја обезбеди во есенскиот дел од првенството, но тоа е обврска повеќе за тренерот Гоце Седлоски и за фудбалерите да се подготват максимално и за прволигашката пролет, кога ќе се води главната битка за шампионската титула.

Седлоски и момците денеска се собраа на Чаир, стручниот штаб го соопшти планот за работа, па Шкупи тргнува во негова реализација. Главната фаза од подготовките ќе биде одработена во Анталија од 15.јануари, каде засега се закажани три пријателски натпревари, против Лех Познањ, Черноморец Одеса и против Ахмат Грозни.