Роберт Левандовски оваа сезона игра во одлична форма. 34-годишниот полски напаѓач постигна 27 гола на 35 натпревари во сите натпреварувања за Барселона, која е на пат кон нова шпанска титула.
Тој во интервју за германски „Билд“ откри дека имал многу понуди додека бил во Баерн, а една од најконкретните била од Ливерпул.
„Имаше пријателски натпревар меѓу Ливерпул и Баерн во 2017 година. Зборував со Клоп во таа прилика. Потоа тој ме праша: Дали би сакал да дојдеш во Ливерпул? Го погледнав и само почнав да се смеам. Не сум сигурен дали е сериозно и зрело, но одењето во Ливерпул никогаш не ми беше во план“, изјави тој.
