Британскиот „Гардијан“ ја поправи грешката на „Франс Фудбал“ и го прогласи Роберт Левандовски за најдобар фудбалер во светот за 2021 година. Лионел Меси ја доби „Златната топка“ на престижниот француски медиум, но заврши на второто место на рангирањето на „Гардијан“.
Ова е втора година по ред Левандовски да биде на врвот на оваа листа. Тој доби 115 од вкупно 219 гласови и се искачи на врвот.
На третата позиција се најде Мохамед Салах, па Карим Бензема, Жоргињо, Килијан Мбапе, Ерлинг Халанд, Кристијано Роналдо, Нголо Канте и Кевин де Бруин.
