Барселона се намачи, но дојде до нова победа во Ла Лига и го продолжи максималниот ефект. Каталонскиот гигант славеше со 1-0 против Хетафе на домашен терен, а стрелец на единствениот гол беше Роберт Левандовски во 19.минута.
Откако Полјакот го отвори резултатот, Барса имаше уште неколку одлични шанси, но овојпат реализацијата не беше на ниво.
Во последните мигови од мечот, Борха Мајорал пропушти убава можност да донесе бод за Хетафе.
