Европа со месеци го најавуваше овој трансфер, и на сите им е јасно дека единствената станица за Килијан Мбапе е Реал Мадрид. Сепак, до вчера немаше официјална понуда. А кога беше испратена понуда од 160 милиони евра, ПСЖ ја одби како недозволна за да се реализира трансферот на Мбапе.
Спортскиот директор на ПСЖ, Леонардо, вели дека ПСЖ нема намера да го задржи Французинот во клубот против неговата волја, но дека Реал Мадрид покажал непочитување кон клубот со нивната задоцнета понуда.
„Мбапе сака да се приклучи на Реал Мадрид и ние нема да го задржиме. Рековме „не“ на првата понуда на Реал Мадрид. Нема да држиме никого против неговата волја. Му дадовме две големи понуди на Мбапе. Сакаме да му докажеме дека е центарот на проектот, но не и над проектот. Ова лето го остваривме сонот и нема да дозволиме никој да го уништи “, изјави Леонардо.
Потоа го нападна Реал Мадрид.
„Стратегијата на Реал Мадрид е очигледна. Давање понуда седум дена пред истекот на рокот за да му докаже на Килијан дека го сака, а потоа да го добие бесплатно следната година. Тоа е непочитување, тоа го прават веќе две години”, истакна спортскиот директор на ПСЖ.
На прашањето дали повторно ќе разговара со Реал Мадрид, тој одговори негативно.
„Крајот на трансферниот прозорец е на 31 август. Нашата стратегија беше јасна, да го сочуваме фудбалерот и да обновиме соработката, но ако сака да си замине, нема да го задржиме. Сепак, нема да го пуштиме да оди за помалку пари од тоа што ние плативме за него“, изјави Леонардо.
