Вест Хем го доби дербито против Олимпијакос во Лондон со 1-0 и заедно со Фрајбург се наоѓа на врвот на табелата во групата А со 9 бода. Лукас Пакета беше стрелец на победничкиот гол за англискиот тим во 72.минута.
Фрајбург со 5-0 го декласира тимот на ТСЦ Бачка Топола. Рол, Егештајн, Вајшаупт, Адаму и Доан беа стрелци на головите за бундеслигашот.
Бетис го победи Арис со 4-1. Борха Иглесијас, Руибал, Рока и Езалзули стрелаа за шпанскиот тим.
Молде триумфираше против Хакен на гости со 1-3, а Аталанта со 1-0 славеше против Штурм.
