Лајпциг ја губи трката за шампионската титула во Бундес-лигата. По ремито на домашен терен во минатото коло, сега тимот на Џулијан Нагелсман загуби со 2-1 на гостувањето кај Келн. Домашниот тим грчевито се бори за опстанок во елитната германска конкуренција и оствари многу важен триумф со кој ги продолжува надежите за спас.
Јонас Хектор беше двоен стрелец за составот на Келн на овој меч, а за Лајпциг погоди Амаду Хаидара.
