Баер Леверкузен, кој е актуелен шампион, покажа дека не е непобедлив оваа сезона, а тоа го искористи Лајпциг со импресивен пресврт и победа од 2-3 на тешкото гостување. Иако тренерот Марко Росе доби црвен картон по само 25 минути игра, Лајпциг не се предаде, дури и кога заостануваше со 2-0.
Фримпонг и Грималдо обезбедија солидна предност за Леверкузен во самиот финиш на првото полувреме, но тоа не беше доволно за бод.
Кевин Кампл намали во судиското продолжение на првото полувреме, а Лоис Опенда во вториот дел презеде иницијатива. Со два гола, во 57. и 80. минута, Опенда го шокираше тимот на Чаби Алонсо.
Македонскиот репрезентативец Елиф Елмас го следеше овој голем триумф на Лајпциг од клупата за резерви.
