Ла Лига повторно ја доведува во прашање легитимноста на регистрацијата на Дани Олмо и Пау Виктор од страна на Барселона. Според официјалното соопштение на лигата, лиценцирањето на двајцата фудбалери се во спротивност со регулативата.
Дополнително, Ла Лига најави жалба против ревизорот кој беше ангажиран од Барселона до крајот на минатата година. Причината е поврзана со финансиските практики околу продажбата на ВИП ложите на новиот стадион на каталонците.
Во јануари, Олмо и Виктор не добија право на регистрација бидејќи Ла Лига не ги призна приходите од оваа зделка како валидни, што ја спречи Барселона да го зголеми својот буџет за плати. Во есенскиот дел од сезоната, двајцата имаа привремено дозвола за настап поради повреди во тимот, но оваа дозвола истекува на 7 април.
Барселона веќе поднесе жалба до судот, но засега без успех. Ла Лига останува цврста во ставот дека регистрациите се нелегитимни, а конечната одлука се очекува во наредните денови.
