Македонија ЃП ја продолжува одбраната на куп-трофејот откако го елиминира Вардар на дуелот на стадионот „Борис Трајковски“ во Маџари со 0-1. Алтин Алији беше стрелец за ѓорчепетровци во 63.минута.
Работнички ја победи Шкендија со 3-2. Влатко Стојановски ја отвори серијата голови, но израмни Клисман Цаке, а Дашмир Елези пред полувремето се погрижи за предност за Шкендија. Но, тоа не беше се. Гандо Биала израмни во 47.минута, а Атдхе Мазари го постигна победничкиот гол за Работнички.
Брера и Гостивар одиграа квалитетен меч во Струмица иако немаше голови, а решаваа пеналите по кои Брера оди понатаму (5-4).
Езерскиот дуел меѓу Воска и Струга ТЛ исто така се решаваше на пенали. Воска славеше со 4-1 по изведување пенали.
Шкупи го победи Охрид Лихнидос со 4-0, а Тиквеш на гости славеше против Пелистер (0-1).
Силекс го победи Башкими со 3-2, а релативно најлесна задача имаше Брегалница, која се сретна со нисколигашот Јанг Тим и победи со 11-0.
КУП, 1/8 – ФИНАЛЕ – РЕЗУЛТАТИ
ВАРДАР – МАКЕДОНИЈА ЃП 0-1
БРЕГАЛНИЦА – ЈАНГ ТИМ 11-0
РАБОТНИЧКИ – ШКЕНДИЈА 3-2
СИЛЕКС – БАШКИМИ 3-2
БРЕРА – ГОСТИВАР 0-0 пен. (5-4)
ПЕЛИСТЕР – ТИКВЕШ 0-1
ШКУПИ – ОХРИД ЛИХНИДОС 4-0
ВОСКА – СТРУГА ТЛ 0-0 (4-1) пен.
