Холандскиот стратег Роналд Куман е максимално разочаран од односот на Барселона кон него и отказот кој доби од каталонскиот клуб. Тој смета дека клубот е виновен за очајниот играчки фонд во моментот, а направена е катастрофална грешка со заминувањето на Лионел Меси.
По разделбата со Барса, како што открива Мундо Депортиво, Куман е на став комплетно да ја заврши тренерската кариера.
Барселона одлучи привремено решение на клупата да биде тренерот на Б-тимот, Серхи Бархуан, а се надева дека ќе успее да го доведе Чави Хернандез за нов тренер. Тој во моментот го предводи катарскиот Ал-Сад.
