Реал Мадрид летово го донесе Хоселу и многумина беа скептични како ќе се снајде, но сега ситуацијата е поинаква. Искусниот напаѓач пристигна на позајмица од Еспањол, а беше откриено дека Реал има опција да го откупи за само милион и пол евра.
Точно е дека веќе има 33 години, но Хоселу покажа дека е одлична опција во ротацијата и максимално ја користи својата шанса.
Сезонава постигна осум гола со две асистенции на 21 натпревар, за нешто повеќе од илјада минути поминати на теренот.
Хоселу ги доби своите пет минути и во шпанската репрезентација, па се чини дека сезоната 2023/24 не може да биде подобра за него. Останува само Реал да го откупи на лето и тој да оди на ЕВРО 2024.
