Козенца го сака Бобан Николов, но тој чека трансфер во Турција

Македонскиот репрезентативец Бобан Николов се раздели со Лече и во моментот е слободен агент, размислувајќи каде да ја продолжи кариерата. Има можност да остане во Италија, а тамошните медиуми најавуваат дека за него е заинтересиран италијанскиот клуб Козенца.

Фудбалерот за врска има опција да ја продолжи кариерата во Турција. За него се интересираат Сиваспор и Генчлербирлиги. Исто така, за Николов има интерес од клубови од Израел.