Костадинов стрелец и асистент за Ружомберок

Тихомир Костадинов ја продолжи серијата голови на македонските репрезентативци овој викенд. Тој се запиша во листата на стрелците за својот тим Ружомберок во првенството на Словачка.

Костадинов погоди за Ружомберок на гостувањето кај Похроние во ремито 2-2. Тој беше стрелец на првиот гол за својот тим и израмни на 1-1, а беше и асистент на вториот погодок.

Ружомберок по десет кола се наоѓа на третата позиција на табелата во шампионатот на Словачка.