Двајцата фудбалери на ПСЖ се позитивни на коронавирус, соопштија од клубот. Тоа се Тило Керер и Ерик Ебимбе. Тие се веќе во карантин и ќе го пропуштат мечот од Лига 1 вечерва против Лориен на гостински терен.
Тренерот Маурисио Покетино се соочува со големи проблеми. За овој меч надвор од комбинација се две од трите големи ѕвезди, Нејмар и Килијан Мбапе. Првиот е повреден, а вториот казнет.
Лионел Меси ќе му биде на располагање на Покетино и за првпат ќе игра без помошта на двајцата други од ѕвезденото трио на ПСЖ.
