Италијанскиот првак Наполи ќе се обиде да го „врзе“ Елиф Елмас до 2028 година. „Кориере дело Спорт“ објави дека „наполитанците“ подготвуваат понуда за продолжување на соработката, но таа сериозно ќе зависи и од однесувањето на новиот тренер Руди Гарсија.
Тој му дава многу помала минутажа на Елмас на почетокот на новата сезона.
„Елмас во Скопје му покажа на Руди Гарсија кој е“, пишува локалниот медиум од Наполи, „Ил Матино“, потенцирајќи дека Елмас одигра со само 21 минута во три меча во Серија А, но во дресот на Македонија против Италија му докажал на Руди Гарсија за каков играч станува збор.
Елмас има договор со Наполи до јуни 2025 година, а за него има интерес од Ливерпул, Лајпциг, Борусија Дортмунд и од Интер.
Тој дојде во Наполи во летото 2019 година за 16 милиони евра, една година потоа потпиша нов договор за плата од 1,5 милиони евра. Минатата сезона имаше ефект од шест гола и три асистенции во тимот на Наполи на патот кон „скудетото“.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski