Менаџерот на Тотенхем, Антонио Конте, ќе го пропушти неделниот натпревар против Вест Хем во Премиерлигата поради продолжување на опоравувањето од операцијата на жолчното кесе.
Конте минатата недела беше на клупата на Тотенхем во поразен од Лестер со 1:4, а го водеше и против Милан во Лигата на шампионите.
„Здравјето е најважно. По вчерашната контрола во Италија, Конте ќе остане во семејниот дом за да се опорави од неодамнешната операција“, објави Тотенхем.
Конте пред две недели имаше операција на жолчното кесе во неговата татковина.
„Сите ние во клубот му посакуваме добро. Кристијан Стелини ќе ја преземе должноста да го води првиот тим“, се додава во соопштението.
Конте објави порака на Инстаграм во која вели дека неговото „големо чувство за одговорност кон клубот, играчите и навивачите“ го навело рано да се врати на клупата.
„За жал, ја потценив процедурата, која не беше рутинска, туку сериозна и итна операција. Секој што ме познава, разбира колкав товар е ова за мене, но тоа е неопходно“, истакна Конте.
Тотенхем не соопшти кога може да се очекува враќањето на Конте на клупата.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski