Рaфaел Варан, кој неодамна потпиша за Комо и предизвика големо воодушевување меѓу навивачите, се најде во неочекувана ситуација. Според италијанските медиуми, Варан e отстранет од списокот на 25 фудбалери кои конкурираат за новата сезона во Серија А.
Францускиот дефанзивец, кој четирипати ја освојуваше Лигата на шампионите, се приклучи на Комо како слободен играч по неговото заминување од Манчестер Јунајтед. Тој потпиша договор на две години со можност за продолжување на уште една година. Тренерот на Комо, Цеск Фабрегас, изрази големи очекувања од Варан, кој требаше да донесе искуство во тимот.
Меѓутоа, ситуацијата се промени по повредата која Варан ја заработи на натпреварот против Салернитана на 11 август. Поради сериозноста на повредата, Комо одлучил да го отстрани од списокот на играчи за новата сезона. Постојат и гласини дека управата на клубот планира да го раскине договорот со Варан, и тоа само неколку недели по неговото доаѓање во клубот.
Ова е изненадувачки развој на настаните, особено со оглед на оптимизмот кој владееше по потпишувањето на договорот.
