Франција е во ново мундијалско финале откако го победи Мароко со 2-0, но не беа сите среќни во составот на aктуелните шампиони по завршувањето на мечот. Француските медиуми откриваат дека веднаш по завршувањето на мечот селекторот Дидие Дешамп имал разговор со Кингсли Коман.
Крилниот напаѓач бил незадоволен што не добил шанса на натпреварот.
Подоцна, Дешамп објасни дека Коман не бил во најдобра здравствена состојба.
„И тој попладнево имаше треска. Поради оваа причина, го ставив во игра Коло Муани. Како што се наближува крајот на првенството, нашите фудбалери се веќе уморни, а соодветно на тоа слабее и нивната имунолошка заштита. Мора да бидеме внимателни“, изјави Дешамп.
Дешамп на претходните пет натпревари му даде шанса на Коман, но синоќа одлучи наместо него во игра да го внесе Рандал Коло Муани, а потегот беше совршен бидејќи тој постигна гол само 44 секунди по влегувањето на теренот.
