Легендарниот германски фудбалски ас Мирослав Клосе започна со самостојна тренерска кариера. Првиот тренерски ангажман Клосе ќе го има во австрискиот прволигаш Алтах.
44-годишниот Клосе во минатото беше помошник во германската репрезентација и Баерн Минхен, ја водеше генерацијата до 17 години на Баерн, а сега го чека вистински предизвик во кој за првпат самостојно ќе води клуб.
„Со задоволство го чекам и се радувам на својот прв ангажман. Од почетокот чувствував дека сум на вистинско место и чекам да ја запознаам екипата, луѓето во клубот и навивачите, заедно верувам во успех“, изјави Клосе.
