Англискиот премиерлигаш Вотфорд одлучи да се раздели со италијанскиот стратег Клаудио Раниери. Тој доби отказ по само 112 дена на кормилото на тимот откако не успеа да го препороди составот.
Вотфорд се наоѓа на 19. позиција на табелата во Премиер – лигата, а Раниери загуби 11 од вкупно 14 натпревари на кои го предводеше тимот.
Раниери го замени Сиско Муњоз, кој на 3.октомври доби отказ поради слабите резултати. Сега Вотфорд ќе треба да тргне во потрага по третиот менаџер оваа сезона.
