Македонскиот репрезентативец Бојан Миовски и неговиот тим Абердин одиграа 2-2 против ПАОК во Конференциската лига, но и покрај тоа ги загубија шансите за пласман во следната фаза.
Миовски почна на клупата за резерви, а влезе во финишот од мечот.
Динамо Загреб продолжи со очајни игри во Европа и загуби на гости кај Плзен со 1-0. Стефан Ристовски одигра цел натпревар на стоперската позиција, а хрватскиот тим во финишот постигна гол, но не беше признат по прегледување на ВАР.
Спартак Трнава на Милан Ристовски ремизираше 1-1 против Нордсјеланд, а напаѓачот остана на клупата за резерви.
Фиорентина славеше минимално против Чукарички со 0-1, а Легија го победи Зрињски со 2-0. Ференцварош и Генк ремизираа 1-1.
