Македонскиот репрезентативец Бојан Миовски имаше ново блескаво издание за Абердин во Конференциската лига, но неговиот тим сепак на крајот загуби од ПАОК со 2-3.
Миовски го отвори резултатот во 50.минута, а осум минути подоцна и асистираше до Полвара за водство од 2-0. Но, ПАОК постигна три гола до крајот преку Десподов, Виериња и Шваб и стигна до триумф.
Динамо Загреб загуби дома од Плен (0-1). Томас Чори од пенал беше стрелец на голот, а Стефан Ристовски беше во тимот на „модрите“.
Фиорентина го растури Чукарички со 6-0, а Легија го победи Зрињски на гости со 1-2. Ајнтрахт Франкфурт исто така го декласира Хелсинки со 6-0.
