Фиорентина беше убедлива во досегашниот тек од Конференциската лига на УЕФА, но Базел дојде на „Артемио Франки“ со цел да победи – и успеа во тоа. Швајцарскиот тим ги изненади „виолетовите“ и славеше со 1-2.
Артур Кабрал ја доведе Фиорентина во водство, а израмни Енди Диуф во 71.минута. Во судиското продолжение, Зеки Амдуни се погрижи за пресврт и за триумф на Базел.
Вест Хем дома славеше против АЗ Алкмар со 2-1. Холанѓаните имаа предност на полувремето со голот на Тијани Реиндерс, но англискиот премиерлигаш направи пресврт во вториот дел.
Саид Бенрама израмни од пенал во 67.минута, а девет минути подоцна Микаел Антонио стрелаше за триумф на Вест Хем.
