Ерменија стана „ветена“ земја за дел од македонските репрезентативци. После Марјан Радески, кој прв повлече нога, и Стефан Спировски, сега и Кире Ристевски ќе биде нов член на Пјуник. Ерменскиот клуб игра во групната фаза од Конференциската лига на УЕФА, а се бори и за трофеите на домашната сцена, па веројатно тоа е доволен мотив за Македонците да печалат во Ерменија.
Кире Ристевски не се најде на најновиот список на селекторот Благоја Милевски токму затоа што немаше клуб откако раскина со АЕЛ Лимасол.
