Федерико Киеза ја прифати понудата на Ливерпул и отпатува за Островот каде треба да ги мине медицинските прегледи и да стави потпис на договор со премиерлигашот од „Енфилд“.
„Среќен сум и задоволен за новата авантура која е пред мене. Во оваа можност сакам да испратам поздрав до тифозите на Јувентус и да се заблагодарам за поддршката во сите изминати години“, изјави Киеза пред заминувањето за Англија.
Во битката за Киеза беше и Барселона, но стана јасно дека сепак каталонскиот гигант има финансиски проблеми поради кои нема да може да го реализира ова засилување. Италијанецот не сакаше да чека и даде потврден одговор на понудата на Ливерпул.
