Костариканскиот интернационалец Кејлор Навас сака да го напушти Пари Сен Жермен по завршувањето на сезоната. Иако заработува 12 милиони евра годишно, тој е незадоволен од својот статус во тимот и сака работите да се сменат или ќе си замине на лето. Тоа го изјави по синоќешниот меч со Анже.
„Имам добри односи со Џанлуиџи Донарума. Но, сакам да играм на сите натпревари. Работите ќе мора да се сменат“, изјави Навас.
Костариканецот сезонава бранеше на 23 натпревари, а во клучниот дел од сезоната голманската позиција ја презеде Донарума.
