Дербито на Македонија ќе биде разубавено со две навивачки групи. Вардар побара, Пелистер даде дозвола, а и ФФМ ќе одобри Комитите да гостуваат во Битола на дуелот против Пелистер в сабота од 13 часот.
Комити неодамна прославија 35 години од постоењето, а сега ќе имаат можност да се сретнат со своите големи ривали, Чкембари Битола.
Некогаш дуелите беа значаен декор од Првата фудбалска лига, но оваа сезона и двата клуба се во второлигашка конкуренција, а со нагласени амбиции да се вратат во елитата.
