Кавани го искрши ВАР мониторот (ВИДЕО)

Репрезентацијата на Уругвај е елиминирана од Мундијалот иако ја победи Гана со 2-0 во последното коло од групната фаза. Уругвај заврши на третото место во групата Х зад Португалија и Јужна Кореја, бидејќи Кореја постигна повеќе голови од нив.

Ѕвездите како Луис Суарез, Диего Годин и Единсон Кавани го одиграа своето последно Светско првенство за Уругвај. Во последните моменти од играта Кавани стави нога во дуел со дефанзивец за да изнуди пенал. Но, судијата сфати дека напаѓачот сака да го изнуди и затоа не досуди.

Кавани, веројатно револтиран од ваквата одлука и испаѓање од турнирот, при напуштањето на теренот го оттурна мониторот, со кој судиите ја прегледуваа ВАР снимката, кој падна на подот.

Edinson Cavani does not like VAR.#URU | #FIFAWorldCup pic.twitter.com/FvKJMItMCq

— Football Tweet ⚽ (@Football__Tweet) December 2, 2022