Реал Мадрид стигна до втората победа во новата сезона на Ла Лига совладувајќи го Бетис на гости во Севилја со 0-1. Стрелец на победничкиот гол беше Дани Карвахал во 61.минута, на асистенција на Карим Бензема.
Бетис имаше голема шанса да израмни во судиското продолжение, но Тибо Куртоа го одбрани шутот на Монтоја.
„Кралевите“ остварија одличен ефект на трите гостувања од стартот на сезоната, две победи и едно реми, и по репрезентативната пауза ќе го одиграат на „Сантијаго Бернабеу“ против Селта на 11 септември.
