Младата фудбалска репрезентација на Македонија до 21 година ремизираше без голови против Србија во Охрид. Селекторот Драги Канатларовски смета дека одбранетиот пенал на голманот Давид Денковски беше клучен момент за ремито.
„Интересен и тежок натпревар во кој и двете репрезентации има свои шанси за гол. Србите беа поконкретни во првиот дел, а одбранетиот пенал на Денковски беше клучен момент на мечот. Доколку примевме гол, многу работи ќе беа поинакви. Се надевам дека ќе продолжиме во овој ритам. Загубивме против силната Франција, но сега успеавме да освоиме бод против уште еден фаворит како Србија“, изјави македонскиот селектор.
Следен меч за Македонија У-21 е гостувањето кај Фарски Острови на 7 октомври.
