Каква понуда: Милан сака да го доведе Џанлуиџи Буфон

Легендарниот голман Џанлуиџи Буфон, кој долги години го бранеше голот на Јувентус и на репрезентацијата на Италија, добил понуда да се врати на голема врата во Серија А. Тој би можел да го облече дресот на Милан.

Паоло Малдини го поканил Џанлуиџи Буфон (44) да дојде на „Сан Сиро“, објави италијанскиот медиум „Калчо Стајл“. Ова со оглед дека првиот голман на Милан, Мајк Мањан извесно време нема да биде на располагање.

Буфон моментно игра за Парма во италијанската Серија Б.