Раководството на Јувентус планира да се раздели со играчот од средниот ред Николо Фаџоли во јануарскиот трансфер период, објавува „Газета дело Спорт“.
Фаџоли не добива доволна минутажа за игра под водство на тренерот Тијаго Мота оваа сезона, при што има една асистенција во 683 минути поминати на теренот за Јуве.
Фаџоли не започнал во стартниот состав од 22 октомври, кога Јувентус загуби со 0-1 од Штутгарт во Лигата на шампионите.
Според информациите, Мота дури и не е задоволен од перформансите и односот на играчот кога влегува како замена од клупата.
Јувентус го поддржа Фаџоли и му помогна за време на неговата казна за обложување, па дури и го продолжи неговиот договор до 2028 година. Во исто време, „бјанконерите“ се свесни дека најдобрата опција за нив и за играчот е да се разделат следниот месец.
„Газета дело Спорт“ тврди дека ПСЖ, Марсеј и Наполи се заинтересирани за италијанскиот играч од средниот ред.
