Јувентус се бори за пласман во Лигата на шампионите, а тренерот Андреа Пирло одлучи да го почне натпреварот против Болоња на гости без Кристијано Роналдо. Португалската ѕвезда ќе седи на клупата за резервни фудбалери, а во нападот започнуваат Алваро Мората и Пауло Дибала, потпомогнати од Дејан Кулушевски и од Федерико Киеза на крилните позиции.
На Јувентус му е потребна победа против Болоња, но и „кикс“ на Наполи или на Милан за да се пласира во Лигата на шампионите. „Наполтанците“ на домашен терен ја пречекуваат Верона, додека Милан гостува во Бергамо против Аталанта.
