Клинтон Осеи, ново засилување за Македонија ЃП

Македонија Ѓорче Петров, повратник во македонската фудбалска елита, не застанува со засилувањата за претстојната сезона.

Клубот денеска го претстави своето најново име – Клинтон Осеи. Офанзивецот од Гана, кој има 23 години, доаѓа по солидна сезона во редовите на Воска спорт, каде запиша седум погодоци.

Осеи во својата кариера има настапувано и во Унгарија, каде ги носеше дресовите на Козармислени и МТК Будимпешта. Сега, ќе биде дел од лавовите во нивната нова битка во Првата лига.