Неколку од прволигашките екипи ги одиграа своите последни контролни натпревари, во пресрет на стартот на новата сезона што почнува следниот викенд.
Струга Трим Лум на домашен терен славеше со убедливи 3-0 против Охрид. Головите ги постигнаа Басиру Компаоре, Ласана Диако и Арби Воша. Уште еден добар настап и сигурна победа за поранешниот двоен шампион на Македонија.
На Автокоманда се случи изненадување. ФК Скопје, под водство на новиот тренер Александар Таневски, кој дебитираше на клупата на „пиратите“, го совлада Работнички со 1-0. Единствениот гол го постигна Алек Анастасиевски.
